Upps!

Wo kommst denn du jetzt her?
Mit dir hob i ja überhaupts ned grechnet.

I hob immer denkt, dieses Wewewe is a so a riesige Müllhaldn für überflüssige, gebrauchte und schmutzige Gedankn, do find niemois nie irgendwer doher auf mei kloane bescheidne Seitn.

Und trotzdem bist du jetzt do!!!

Na dann:

Servus, i bin Da Gröschel - wia da Vinci -
und i mach Kabarett, mittn ins Hirn!

Los, erzähl moi, wia host du mi denn gfundn?

Bist du da ganz korrekte, zielstrebige, aber bisserl spießige Tastentipper, der ganz bewusst www.dagroeschel.de in die Adresszeile eigibt und dann bei mir landet?
Für den des Internet eigentlich nix anders is ois a U-Bahn-Netz?

Oder bist du da Big-Boss-Typ, der sei virtuelle Sekretärin zynisch Suchmaschin nennt, und ihr oschafft: “+kabarett +endgeil +sex +drugs +rocknroll”?

Oder doch eher der schicksalhaft Gestrandete, der über tausend Eckn und Links und Klicks plötzlich do steht und selber ned genau woaß, wos er do wui?
Dann host jetzt gleichzeitig Glück und Pech ghabt:

Glück, weil du eh koa gscheiderne Seitn finden konnst ois de do, randvoll mit allem, was des Lebn bietn ko: Sex, Drugs & Rock’n Roll.
Pech insofern, weil i kaum Links obiet, die dich wieder auf andere Seitn schwappn könntn, - wos aber aa - aus bereits genanntem Glücksgrund - gor ned notwendig ist.

Richtig Pech hast allerdings, wenn du koa Bayrisch ned lesn kannst.
Aber dann vergnüg di hoit mit de Buidl - oder rette di aufs Preissn-Schlauchboot (wos allerdings schod wär, weil du dann natürlich des allerbeste verpasst!)

Es gibt ja unvorstellbar viele Internet-Süchtel, die sich ohne Plan und Ziel durchs Web und die Nacht treibn lassn, von Button zu Button, - wia da Zapper an der Fernseh-Fernbedienung, oder wia die Cheerleader-Blondine durch d’Herrenmannschaft.

Hey, des san Krankheitn, do derf ma ned Lachn oder Spottn!

Des san Zwangsneurosn, so wia Kleptomanie - zwanghaftes Klaun.
Oder Pyromanie - zwanghaftes Zündeln.
Nymphomanie - zwanghaftes Poppen.

Und genauso gibt’s aa Klickomanie - zwanghaftes Knopferldrückn.

[index] [Upps!] [Da Grantler] [Mei Lebn] [Termine] [Galerie] [Kontakt] [Servus] [Impressum] [Gästebuch]