Mei Lebn (grafisch)

Mei Lebn (prosaisch)

In der absoluten Mittn meines Lebens scheinen zwoa wunderbare Sonnen: mei großes Engerl Alexandra und mei kloans Engerl Katharina.
Mia drei probiern (und meistens schaffen mia des aa), des Lebn zu genießn, Spaß und a Aug für die vieln Wundern rund um uns zu habn.

Dazu hob i a paar Hilfsmittl:
mei Gitarr, mei Aquarium, meine Bücher, jede Art von Spui, am liabsten Schofkopfa, Fussball von da Couch aus, a guads Essn von Nudeln bis Krabben, wos guads zum Trinkn von Kaffee bis Bier und guade Musik vom Liedermacher zum Roots-Reggae.
 

A so, klar, es gibt ja immer Leit, die interessiern sich zuerst für die Zahln:

also, geborn in München im Dezember 1965, bin i dieser Stadt immer treu bliebn, bin do auf mehrere Schuln ganga, bis i mei Abi ghabt hab, dann vui Irrwege und Abenteuer und jetzt (hoffentlich) da beste Papa und Ehemann, und immer no in München.

Und wos is mit dein Lebn?

Wär nett, wenn du mia aa a bisserl wos von dir erzählst, entweder ganz exhibitionistisch im Gästebuch oder ganz intim per e-mail.

Manderl-Weiberl?
Jung-Oid?
Schee-Greislich?

Wos san deine fünf charakteristischsten Eigenschaftn?

Wo stehst du so in da Evolution?

Wos mogst du gern, wos host du dick?

Wos war des peinlichste in dein Lebn?

Oder des scheenste? (Ausser, dass du auf meiner Homepage glandet bist)

Host du mei aktuelles Kabarett-Programm scho gsehn - und warum ned?

Komm, erzähl mia wos - vielleicht mach i moi an Gag draus in mein nächstn Programm.

Aber zurück zu mein Lebn - i bin ja do die Hauptperson!

I bin Da Gröschel - ned mehr, aber vor allem aa ned weniger. Und wenn du mi wirklich kennenjeren wuist, dass machen mia einfach a Date aus.

Kumm in mei Programm, und du erfahrst fast ois über mi....

Ja, wenn du erst no stimuliert werdn muaßt, dann empfehl i dir ois Vorspui mei Galerie.

Wenn du jedoch erst no dei Mama frogn muaßt, ob du derfst, dann sog i scho moi:
Servus, bis dann amoi, wennst groß bist.

[index] [Upps!] [Da Grantler] [Mei Lebn] [Termine] [Galerie] [Kontakt] [Servus] [Impressum] [Gästebuch]