Weil i genau woaß, dass a jeder immer die Buidl sehn wui, hob i mir denkt,
do is da beste Plotz auf dera Seitn, um no wos wirklich wichtiges zu sogn.

Es schaut ned immer guad aus mit unserer Welt, und weil mir offensichtlich
 diejenigen san, die do des große Sagn hamm, san mia aa diejenigen, die
 schuld san, wenn’s schief geht. Und zwar wirklich jeder oanzelne!

Aiso, deads aa amoi wos, damit die Welt a bisserl freundlicher werd (und i
 sog bewusst ned “menschlicher”, weil des momentan eher a Drohung wär).

Schauts oamoi ned weg, wenn jemand woant, sondern gehts hi und frogts: Warum woanst denn du?

Hörts oamoi zua, wenn jemand flüstert: Tschuldigung, derf i Sie wos frogn.

Sogts oamoi: Stop!, wenn Ihr über irgendein Unrecht stolperts.

Lachts oamoi zruck, wenn sich endlich jemand traut zu grinsn.

Und scho is unser Welt a bisserl besser.

So einfach gangad des....

Und jetzt kriagts ihr aa eire Buidl!

Des war’s.
Prost!

[index] [Upps!] [Da Grantler] [Mei Lebn] [Termine] [Galerie] [Kontakt] [Servus] [Impressum] [Gästebuch]